|
أوبريت يانصر يا استشهاد |
علي لسان الأطفال
جية صلاح الدين غابت علينا ليه
ليه العرب ساكتين يارب نعمل إيه
النار تحت الرماد ولا عمرها بتنطفي
وما تحيو علي الجهاد يا أمة المصطفي
شايفنا بنقاسي والأقصي مأسور
ولا حد بيواسي ولا حد بيثور
هادين كان بلادنا مش هية دي فلسطين
ساكتين كان الأقصي مش ثالث الحرمين
ياكل مسلم قوم شوف اللي بيحصل لنا
إزاي يجعلك نوم والخونة بتزلنا
فين الشهامة فين والحميمة والنخوة
ولا كلام جرانين إن العرب إخوة
آن الأوان يا عرب يانصر يا استشهاد
هيفيد بإيه الغضب والصبر ع الأوغاد
دا اللي حصل في جنين واللي حصل في رام الله
وصمة في كل جبين آن الأوان يلله
وإسلاماه ياعرب ياموحدين بالله
عمر الشهيد ماتحسب ميت دا كله حياة
القدس صوتها حزين سمع كل البلاد
يانصر يا استشهاد
وتالت الحرمين بيصرخ وكله عناد
يانصر يااستشهاد
للشاعر الغنائى: حسين سلام |
|
|
|
 |
|
|
 |
|
|
